AR-i NSCN (IM) OGW ka apu

Dimapur, September 01 (TYO): August 28, 2017 nü HQ IGAR (North) kübok 32 Assam Rifles-i police densema Dimapur nung Railway station tesem mita aodang nisung ka ket nungi tashishitsü aketba kakettem den sen 8,000 shi apu, ta Assam Rifles sangdong ka ajanga metetdaktsü.
Iba nisungbaji United Colony, Ward No. 20, Dimapur District nung alir arishi küm 30, Inato Kibz lir ta jangjaogo, aser pai pa NSCN (IM) nung OGW ama inyaker, aser Dimapur aser temeket tesemtem nung sen saruba dak sendakba mapatem inyaker ta nangzükogo, ta sangdong nungsa shia lir.
Pua alisang den pa ket nungi apubatemji maneni bushisüngdangtsü atema East Police Station, Dimapur ket nung agütsüogo, ta kasa osang ajanga metetdaktsü.