AR-i NSCN (IM) temporary ka camp amak

Dimapur, Luroi/August 13 (Agencies): Assam Rifles Jalukie Battalion-i Peren district kübok New Ngaolong nung NSCN (IM) indang temporary camp ka amak, ta Assam Rifles-i sangdong ka ajanga metetdaktsü.
Iba tesem nungji NSCN (IM) züngsemtem aliba osang ka nung ajemdaker Assam Rifles sepaitemi Luroi/August 7 nü mita ao, aser temporary camp nungji NSCN (IM) züngsem 1015 shi aliba angu, ta kasa sangdong nungsa shia lir.
August 8 anepdang Assam Rifles sepaitem camp atongdang parnoki NSCN (IM) züngsemtem dang ceasefire ground rules guidelines nung aliba ama ‘surrender’ asütsü asüngdang, saka parnoki security sepaitem dak indang sashia khaloktsü, ta AR sangdong nung shia lir.
NSCN (IM) züngsemtem jagi camp ji toktsür aremleni jena ao, iba sülen Assam Rifles-i camp ji raksatsü.
Assam Rifles-i ashiba agi, ibaji NSCN (IM)-i ceasefire ground rules alema inyakba lir.