AR-i NSCN (IM) tesem ana raksatsü

Kohima, July 01 (TYO): Operations balala ana nung Assam Rifles sepaitemi melung melemtetba NSCN (IM) tesem ama raksatsüogo; osang kar nung ajemdaker Assam Rifles den Police-i NSCN (IM) tesem ka Jongrum nung aser ka Indo Myanmar arrtsülen aliba ka ta raksatsüogo, ta Col C Konwer PRO (DEF)-i sangdong ka nung metetdaktsü.
Sepaitemisa AK series Rifle, inyajang aser raraba hadir aika angu.
Osang angazükba agi, item camps ji NSCN(IM ) telungpurtemi transit mapang khen anenzüktsü atema amshi.
Iba operation ya South Arunachal Pradesh nung Spear Corps kübok Army aser Assam Rifles-i telungpur teloktem anema mita aoba operation shilem ka liasü.