AR-i NSCN (IM) züngsem ka apu

Dimapur, January 27 (TYO) : Osang tejangja kar angazükba sülen 41 Assam Rifles-i Medziphema Town kübok Ward No 9 nung nisung ana den Pt 22 mm Pistol ka aser yi bottle 339 apu.
Tenaji Joseph Angami’er jabaso Vizoto Angami aser Puto Chaya Angami’er jabso Supi Chaya Angami ta jangjaogo. Tenaprongla Ward No 9, Medziphema town nung telidak lir, ta Assam Rifles sangdong ka nung metetdaktsü.
Vizoto Angami ya NSCN(IM) nung Leacy inyaker aser tena den külemi apuba osettem ajak Medziphema Police Station, Dimapur ket nung agütsüogo, ta sangdong nungsa shia lir.