AR-i NSCN (IM) züngsemtem apu

Dimapur, Metsüremi 28 (TYO): Telungpur aliba osang ka angazükba nung ajemdaker Metsüremi 26, 2018 nü HQ IGAR (North) kübok Jalukie Battalion Assam Rifles sepaitemi Itangki, Athibung tesem mita ao, ta Assam Rifles sangdong ka ajanga metetdaktsü.
Mita aoba mapang nung Assam Rifles sepaitemi ozüng alema prangpong bena alir NSCN (IM) züngsem pongu apu; prangpong bener senzübaji Ceasefire Ground Rules ozüng alema lir, ta sangdong nung shia lir.
Pua alirtemji NSCN (IM) nungi SS Maj Hanger Walling, SS Capt Nito Chishi, SS Lt Isak Sumi, SS Pvt Wishing Awoishinh aser SS Pvt Kheka Sumi nunger lir ta jangjaogo, aser parnok ket nungi 12 Bore Rifles ana, Pt 22 mm Rifle ka, 12 Bore Rifle injang 16, Pt 22 mm Rifle injang 37 aser detonators trok apu, ta sangdong nungsa shia lir. Maneni bushisüngdangtsü atema pua alirtem den parnok ket nungi apubatemji Athibung Police Station ket nung agutsüogo, ta parnokisa metetdaktsü.