AR-i NSCN (K-YA) pur ka apu

Dimapur, Chiteni/July 3 (Agencies): Zunheboto district kübok Suruhoto tesem nung NSCN (K-YA) pur inyaksangshiba osang tejangja ka angazükba sülen Assam Rifles puri June 28 nü meita aoba mpang Zunheboto kübok Asukho yimtsüng nungi arishi küm 58 tain Self Style Maj Lukhato (Service No 11958) puogo. Pa ket nungi point 32mm Pistol ka den magazine aser mobile phone asem apu. Pa NSCN (K-YA) züngsem ka lir aser ozüng alema sarusajiba densema linük anema inyakba maparen nung densema liasü aser iba den telungpurtem nem tekümzükba agütsüba den ozüng raksar Nikki Sumi o Akaho Jhimo nunger den sendaktepa inyakba jangjaogo. Pa den pa ket nungi apuba osettem Zunheboto Police Station nung bendanga agütsüogo.