AR-i NSCN (KN) züngsem ka apu

Kohima, Luroi/August 07 (TYO): Super Market, Dimapur nung prangpong bena aliba telungpur aliba osang ka angazükba nung ajemdaker August 4, 2019 nü Assam Rifles sepaitemi police den külemi operation ka aodang NSCN (KN) züngsem, SS Lt Kennedy, arishi küm 34 (s/o Mr Kekashhipiri, r/o Ura Villa, Dimapur) den 9 mm Pistol ka den magazine aser injang asem apu, ta Col C Konwer, PRO (DEF)-i sangdong ka ajanga metetdaktsü.
Maneni bushisüngdangtsü atema pua alisang den pa ket nungi apubatemji East Police Station, Dimapur ket nung agütsüogo, ta kasa sangdong nung shia lir.