AR-i NSCN-R züngsem ana apu

Kohima, February 25 (TYO): Assam Rifles sepaitemi Phek district kübok Pfutsero jila nung NSCN-R züngsem anati vehicle tax saruyaa alidang puogo, ta AR sangdong ka ajanga metetdaktsü.
Sangdong ka ajanga Inspector General of Assam Rifles (North) PRO-i, intelligence osang tejangja ka nung ajemdaker yashi HQ IGAR (North) kübok 9 Assam Rifles sepaitemi Pfutsero jila Welcome Gate tesem mita ao, aser iba tesem nungji Kikruma yim nungisa NSCN (R) züngsem ana den Royalty vehicle tax saruba receipt apu, ta metetdaktsü.
Pua alisang ana denji Royalty vehicle tax saruba receipt ji Pfutsero Police Station ket nung agütsüogo, ta ketdangserisa metetdaktsü.