AR-i NSCN(K) züngsem ka apu

Dimapur, May 03 (TYO): Osang ka lazükba sülen May 01, 2017 nü 41 Assam Rifles den police-i 5th Mile, Dimapur tesem mita aodang Assam Rifles sepaitemi nisung ka ket nungi Pt 22 mm Pistol den magazine aser injang asem den NSCN/ GPRN (K) indang blank cash receipt ka apu, ta tanü Lt Col Amitabh Sharma PRO, HQ IGAR (North)-i AR sangdong ka nung metetdaktsü.
Iba nisungbaji Akuluto village, Zunheboto District nungi Dimapur & Kohima region nung NSCN (K) Finance Secretary, arishi küm 32, Inovi Avika Assumi lir, ta kasa sangdong nungsa shia lir.
Pai tesüiba anogo ishika tsüngda Dimapur, Chumukedima aser Kohima nung aliba gari showrooms balala dang nungi sen khangogo ta nangzükogo. Pa den pistol aser injangji Diphupar Police Station, Dimapur ket nung agütsüogo, ta Assam Rifles sangdong nungsa shia lir.