AR-i NSCN(K) züngsem ka apu

Dimapur, Metsüremi 19 (TYO): Osang ka nung ajemdaker Metsüremi 19, 2018 nü HQ IGAR (N) kübok Assam Rifles Mokokchung Battalion-i police densema Bhumnyu yim mita ao, ta tanü Assam Rifles sangdong ka ajanga metetdaktsü.
Melung malemba ki ka mita aodang Assam Rifles sepaitemi Longleng District kübok Bhumnyu yimer, Nyahpa Phom’er jabaso arishi küm 44, Pongnyan Phom apu, aser pa ya NSCN(K) nung Lieutenant lir, ta sangdong nung shai lir.
India-Myanmar arrtsü nung telungpur senzütsü atema inyakba nung Pongnyan Phom-i shilem agia lir. April 2016 nung pa temai adok (surrender) aser 2017 küm tanaben NSCN(K) nung adenba osang lir, ta sangdong nungsa shia lir.
Pa ket nungi mobile phone den Sim card ka, Aadhaar card ka, joint integerotion Report ka aser surrender certificate liasü; maneni bushisüngdangtsü atema pa den pa ket nungi apubatemji Longleng Police Station ket nung agutsü, ta AR-isa metetdaktsü.