AR-i Peren district nung prangpong-injang aika angu

Dimapur, December 13 (TYO) : 18 Assam Rifles-i November 30, 2015 nü Phek district kübok Khelma yimtsüng anasa prangpong-injang aika ngutet, ta tanü AR sangdong ka nung metetdaktsü.
Iba tesem nungi prangpong tajung pungu den injangtem, Rifle grenades aser tanga raradang amshiba oset aika angu. Item osetji tesem balala asem nung polythene aser tarpaulin agi meibanger rema liasü, ta Assam Rifles sangdong nungsa shia lir.
September 29-30, 2015 anogotem Assam Rifles-i Assam nung telungpur anema mapa inyakba mapang item prangpong-injang ya bener arua miima ayuba asütsü akok ta AR-i temulung melemi bilemer ta sangdong nungsa shia lir.
18 Assam Rifles-i mapa tajung inyakba ajanga DHNA teloki Nagaland nung parnok amenoktsü mapa inyakba nung tetsükdaktsü ajuruogo. Assam Rifles-i mapa tajung inyakbatem administration aser public-i pelashishia agizüker, ta AR sangdong nungsa shia lir.