AR-i prangpong aser injang apu

Dimapur, Tsüklai 23 (TYO): Osang ka nung ajemdaker Tsüklai 22, 2018 nü HQ IGAR(N) kübok Assam Rifles Dimapur Battalion den police densema Mount View Colony, Purana Bazar, Dimapur mita ao, ta Assam Rifles sangdong ka nung metetdaktsü.
Assam Rifles sepaitemi mita aoba mapang nung Mount View colony, Dimapur nung alir, arishi küm 56, Khekive Sema’er kidang Pt 22 rifle prangpong ka den magazine aser injang ter, 12 bore double barrel prangpong ka, 12 bore single barrel prangpong ka aser injang pezü angu, ajisüaka Khekive Sema jibo kidang maliasü; tesülen prangpong aser injangtemji East Police Station, Dimapur ket nung agutsü, ta kasa sangdong nungsa shia lir.