AR-i prangpong-injang shibelener 3 apu

Dimapur, October 20 (TYO) : 37 Assam Rifles-i 4th Mile, Chumukedima aser Super Market, Dimapur nung ozüng alema prangpong-injang shibelener nisung ana apu.

October 15 nü Ward No-4, Chumukedima nung Keneiselhou Angami ta ser nisung ka apu aser pa ket nungi Point 22 Pistol ka den rounds pezü aser mobile phone ka ngutet.

Pa den külemi apuba osettemji Diphupar Police Station ket nung agütsüogo, ta Assam Rifles sangdong ka nung metetdaktsü.

Ano October 16 nü AR sepaitemi prangpong-injang shibelener ka 7th Mile anasa rüshi aser pa aputsü arrshiba sülen Super Market, Dimapur nung pa apu. Iba nisung ya Levi Kiba ta jangjaogo aser pa ket nungi Point 38 pistol ka ngutetogo, ta sangdong nungsa shia lir.

Ano, October 17, 2015 nü 31 Assam Rifles-i Chuchuyimpang yimtsüng anasa prangpong-injang shibelener ka apu.

Iba nisung ya Tuensang nungi Tuli-i aodang apu aser pa ket nungi pistol ana ngutetogo, ta AR sangdong nungsa metetdaktsü.

Osang angazükba sülen 31 Assam Rifles nungi Quick reaction team kati iba nisung aputsü atema ao aser Mokokchung – Tuli lenmang nung pa arrshia orr Chuchuyimpang yimtsüng anasa pa apu.

Iba nisung ya S Hopong Chang ta jangjaogo aser pa ya Sovereign Republic of Freeland nung Advisor inyaker lir ta Assam Rifles sangdong nungsa shia lir.