AR-i prangpong-injang shibelener ka apu

Dimapur, November 27 (TYO): Ozüngi nokdanga aliba prangpong-injangtem shibelener ta osang tejangja ka angazükba sülen 9 Assam Rifles-i police den November 25 nü High School Junction aser Teenpati Junction, Kohima nung garitem mita reprang.
Iba mapang sepaitemi prangpong-injang shibelener ka apu aser pa ket nungi point 22 Pistol ka aser magazine ka ngutet. Iba nisungji Zakhama yimer asür Vesize’er jabaso Seyie Khrielie (Alo Zao) ta jangjaogo, ta Assam Rifles sangdong ka nung metetdaktsü.
Seyie Khrielie den külemi apuba osettemji Kohima (North) Police Station ket nung agütsüogo, ta sangdong nungsa shia lir.