AR-i prangpong shibelener ka apu

Dimapur, April 28 (TYO): Osang tejangja ka lazükba sülen April 26, 2017 nü Headquarters IGAR (North) kübok 32 Assam Rifles sepaitemi police densema mita aodang Veterinary Colony, Burma Camp, Dimapur nung nisung ka puogo, ta tanü Assam Rifles sangdong ka nung metetdaktsü.
Assam Rifles-i mita aodang Burma Camp, Dimapur nung alir arishi küm 24 nisung ka tenüng agi, Nurul Huk ket nungi one Pt 22 mm Pistol den magazine apu. Asüngdangyadang pai prangpong shilelenba mapa inyakba nangzükogo, ta kasa sangong nung shia lir.
Maneni bushisüngdangtsü atema pa den pa ket nungi angubatemi East Police Station, Dimapur ket nung agütsüogo, ta kasa osang ajangasa metetdaktsü.