AR-i sen lakh 3 jenjang yi apu

Dimapur, April 19 (TYO): April 18, 2017 nü Foot Hill Road Junction nung mita aodang HQ IGAR (North) kübok 28 Assam Rifles sepaitemi Nagaland-i belenba yi, Illegal Indian Made Foreign Liquor (IMFL) aika puogo.
Yiji Bolero gari ka nung bena liasü aser ibaji Humtose village nung alir arishi küm 34, Wt. Khom aser Wokha district kübok Rhyphim village nung alir arishi küm 35, Vanremo na meyong lir ta tai tonglokja lir, ta Lt Col Amitabh Sharma PRO, HQ IGAR (North)-i sangdong ka nung metetdaktsü.
Sen lakh 3 shi jenjang yi rongnung Mcdowell Rum yi pongdang 996 , Officer’s Choice Whisky pongdang 96 aser Foster beer pongdang 308 liasü.
Tai tonglokja aliba yi kibur anapronglaji April 18, 2017 nü Bhandari Police Station ket nung agütsüogo aser Bhandari Police Station nung tena anema FIR benokogo, ta sangdong nungsa shia lir.