AR Rahaman Oscar atema tetoktepba nung shimogo

Los Angeles: ‘Pele: Birth of a Legend’ movie atema music yanglusang, AR Rahama tanaben Academy Award asoshi shimogo. ‘Slumdog Millionaire’ movie atema ken yangluba asoshi Rahaman-i 2009 küma Oscar 2 nguogo.
89buba Academy Awards, Original Score asoshi nisung 145 shimba rongnung Rahaman-a züngsema lir.
Original Song category nung nisung 91 shim, aser tatembang buba shimshitsüba rongnung ‘Pele’ taküm otsü indang film nung pai ken ‘Ginga’ ya tensema lir, ta osang ajanga metetdaktsü.
Academy of Motion Picture Arts & Sciences-i Original Score aser Original Kentem atema teshimtetba tarensen parnok indang website nung Mongulbarnü inoktsüogo.
February 26, 2017 nü Dolby Theatre Hollywood & Highland Center Hollywood nung Award agütsütsü lia, 89buba Academy Awards atema tatembang buba shimba nisungtem tarensenji January 24 nü adoktsütsü.
2009 küm Danny Boyle’ indang film’Slumdog Millionaire’ atema-a Rahaman-i Original Score aser ano Best Original Song(jai ho) toktepba telok nunga sempet ngua Academy Awards sabang nung India nunger tenüng ajungketja liasü.
‘Million Dollar Arm’,’The Hundred-Foot Journey’, aser Indian film ‘Kochadaiiyaan’ movie tem nung pa mapatem atema 2014 küm Academy Awards asoshi tetokteper rongnung tensema liasü, ajidang masü Boyle’s indang movie ‘127 Hours’ nunga pa mapatem asoshi, original score aser original song (If I Rise) Category nung 2011 Küm 83buba Annual Academy Awards atema nomination 2 tashi süa liasü saka iba küm pa kecha sempet mangu.
‘Pele: Birth of a Legend’ ya nungtugu foodball asayar Pele indang taküm otsü nung ajemdaker yangluba movie ka lir. Iba movie ya Jeff Zimbalist aser Michael Zimbalist nati sentepa direct asüba film ka lir.
Alex Heffes shibai India nunger film yanglur Mira Nair indang film ‘Queen of Katwe’, asoshi music yanglutsü pa-a iba asaya nung ajemdaker yangluba movie indang music yangluba asoshi category anaprongla nung sempet asoshi tetokteper rongnung densema lir, ta osang jangjaogo.