AR Rahman IFFI shibangba sentong nung tongti tesemdanger asütsü

New Delhi, November 17 (Agencies): India kübok Goa nung tan November ita 20 nü nungi tenzüka agitsü ayongba International Film Festival of India (IFFI) shibangba sentong nung India nunger kentener mongin, A R Rahman tongti tesemdanger asütsü renemogo.

Kasa mapang nung agitsü ayongba NFDC Film Bazaar sentong nunga Oscar sempet agizüksang, Rahman-i shilem agitsü renema lir.

I&B Ministry, Directorate of Film Festivals-i Goa sokar aser Entertainment Society of Goa na den aroki senden ka amenba sülen Rahman IFFI shibangba sentong nung tongti tesemdanger asütsü osangji tanü Mongolbar nü sangoktsü.

IFFI sentong kübok world cinema shilem nung bendang linük 89 nung yangluba film 187 sayutsü aser Indian Panorama shilem nung India nung yangluba Feature aser Non-Feature film 47 tashi sayutsü sentong renema lir.

Tan agitsü ayongba 9 buba Film Bazaar sentong nunga film 150 dak tema sayutsü sentong aliba osang jangjaogo.

Tan November ita 20-24 nü tashi agitsü ayongba Film Bazaar sentong nung linük 38 nungi telok balalai shilem agitsü renema lir.