AR sepaitem amakba tenüng UNLF-i agir

Imphal, April 15 (Agencies): Ozüng agi nokdangba telok, United National Liberation Front (UNLF)-i April 13 nü Assam Rifles (AR) indang transit camp anasa bomb pokdaktsüba tenüng agiogo.
Iba bomb lendong nung Assam Rifles sepai ka pokset. Brihostibar aonung osangbenertem nem metetdaktsüba sangdong ka nung UNLF-i, iba bomb ji parnoki pokdaktsü, ta ashi.
Iba bomb apokba ajanga security sepai ka asü aser tangar asem yiru, ta police ketangser kati ashi.
AR sepaitemji Ragailong Khuman Lampak Stadium road anasa patrolling oa liasü. Yirua alir asemji- West Bengal nungi arishi küm 31 Himansu Devnath, Manipur nungi K Rameshwor (32) aser Bihar nungi Manish Kumar (28) nunger lir ta jangjaogo.
Bomb ajanga yiruba sülen Imphal nung aliba nija hospital ka nung April 13 nikongdang asüsangji Rajasthan nungi Gukulchand Yadav (32) lir, ta ketdangserisa ashi.