AR sepaitemi Nagaland nung sen cr. 2 jenjang teak süng apu

Kohima, January 15 (TYO): January 11, 2020 nü Assam Rifles sepaitemi Pherima anasa mobile vehicle check post amenoker garitem mita reprangba mapang nung sen crore 2 dak tali jenjang, ozüng alema shibelenba Burma teak süng puogo, ta tanü Lt Col Sumit K Sharma PRO (Defence)-i sangdong ka ajanga metetdaktsü.
Osang ka nung ajemdaker check post nung AR sepaitemi Kohima nungi Dimapur leni aluba truck teku soiter mita reprangba mapang nung sen crore 2 dak tali jenjang Burma teak süng 3600 cubic feet apu; iba denji külemi item truck nung alir nisung 19 puogo, ta kasa sangdong nung shia lir.
Maneni bushisüngdangtsü atema teak süng den pua aliba nisungtemji East Police Station, Dimapur ket nung agütsü, ta kasa sangdong nung shia lir.