AR sepaitemi office mita reprangba GPRN/NSCN-i aitsür

Dimapur, May 10 (TYO): May 5, 2017 anüngdang 11:15 ako meta Second command, Shyam Sundar Shah leniba nung 36th Assam Riffles sepaitemi Jalukie town nung Asalu Zeliangrong Region Administrative Office mita reprangba sülen züngsem ana den taküm melenshidaktsütsü aser rehabilitation atema ayuba civilian tenet apuba atema NSCN/GPRN-i jashiba den külemi aitsür, ta tanü NSCN/GPRN, Ministry of Information & Publicity-i sangdong ka nung metetdaktsü.
36th Assam Riffles sepaitemisa ceasefire ozüngtem alema office nung prangpong, injang aser kakettem bener aobaji metetsümunga yimjung raksatsüba aser yimjung meimer Zeliangrong sensotem melungjang nung tetsübu aitdaktsüba lir, ta kasa sangdong nungsa shia lir.
Anungji, telok ana tsüngda tesendaktep atema 36th Assam Riffles dang tekaraba nung official kakettem, prangpong aser injangtemji cease fire Monitoring cell Office nem meyipa agüjang ta metetdaktsür, ta parnokisa shisem.