AR sepaitemi Tuli nung prangpong shibelener ka apu

Mokokchung, Metsüremi 10 (TYO): Osang ka angazükba sülen Metsüremi 9, 2018 nü HQ IGAR (North) kübok Mokokchung Battalion, Assam Rifles sepaitem den police densema Mokokchung district kübok Tuli Town mita ao, ta tanü Assam Rifles-i sangdong ka ajanga metetdaktsü.
Iba tesem nung melung malemba ki ka mita aodang Assam Rifles sepaitemi 17 miles Aitlenten Ward, Tuli nung alir S Maran’er jabaso arishi küm 28, T Sunep ket nung temeleba maliba prangpongtem apu, ta sangdong nung shia lir.
Pa ket nungi .22 rifle ka, Muzzle loaded rifle ka, twelve bore rifles ana, rifle parts aser prangpong balala indang injang apu; maneni bushisüngdangtsü atema pua alisang den pa ket nungi apubatemji police station ket nung agutsü, ta sangdong nungsa shia lir.