AR sepaitemi yi case 1200 apu

Dimapur, December 14 (TYO): Osang ka angazükba nung ajemdaker December 13, 2017 nü HQ IGAR (North) kübok Assam Rifles Ghaspani Batallion-i Kukidalong bridge tesem nung Mobile Vehicle Check Post ka amenoker garitem mita liasü, aser iba mapang nung nisung asem den commercial truck ka, Registration no AS 19C-3941 nung ozüng alema shibelenba yi bener apu, ta AR sangdong ka ajanga metetdaktsü.
AR sepaitemi apuba nisung asemji- arishi küm 35 Basanta Singh, Sanatomba Laishran (35) (Tenaprong Jaget Gaon, Bokajan, Assam nungi) aser 7th Mile Model Village, Dimapur nung alir arishi küm 21, Irfan Khan nunger liasü.
Parnoki bena aliba yiji sen 25,20,000/- shi jenjang Kingfisher Beer case 1200 liasü. Pua alir asem den Registration number AS 19C 3941 truck ji Medziphema, Police Station, Dimapur ket nung bendanga agütsüogo, ta kasa sangdong nung shia lir.