Archer Kilangmeren Ao-i India tenüng amer US nung shilem agitsü

Mokokchung, Aug 3 (TYO): Nagaland nungi lasang akar (archer) Kilenmeren Ao-i India tenüng nung 2017 World Police & Fire Games (WPFG) nung shilem agitsü aser iba asayamung ya Los Angeles, California, USA nung August 5 nungi 16, 2017 tashi alitsü, ta osang ka ajanga ashi. Iba asayamung asoshi pa asüng New Delhi nungi US-i apusotsü.
World Police & Fire Games (WPFG) ya küm ana nung khen agiba athletic sentong ka lir, aser iba nung ya tang teinyakdak aser retired sür alir law enforcement aser fire service personnels alima ajunga nungi shilem agir.
5th All India Police Archery Championship 2016, Jharkhand nung alidang, Kilenmeren-i Nagaland Police tenüng nung shilem agi aser pai asaya telemsa balala nung Gold medal 2, Silver medal ka aser Bronze medal 3 ajangzükteta temaba jenjang (ranking) nung tongtetba ajanga India tenüng nung asayatsü asoshi shimteta liasü, ta kasa osang ajanga ashi.