Archer Kilenmeren Asia Cup nung India tenüng nung shilem agitsü

Kohima, June 7 (TYO): Nagaland Archery Academy, I.G. Stadium, Kohima nungi lasang kashishir Kilenmeren tawa June 2 nungi 5 tashi Haryana kübok Rohtak nung All India Selection agiba mapang nung shilem agia shimogo.
Pa taküm July ita 3 nungi 7 tashi Chinese Taipei nung Asia Cup Archery nung India tenüng nung shilem agitsü
Arishi küm 18 tain Kilangmeren ya Mokokchung kübok Mopungchuket yimtsüng nungi lir. Pa Department of School Education, SSA Scheme kübok Academy nung shimoka liasü.
Archery Coach, Hunezo Thisa shiba lasang kashishiba nung international jenjang nung medal ngua ali, pai ashiba agi, Kilangmeren ya Asia jenjang nung dang masü saka alima ajunga nunga tokteptettsüsa sempet lir.
Hunezo-i ashiba agi, pa küm 6 academy nung aliba mapang pa indang tejangraba aser performance kanga tajung liasü.
Pai national level nung medal balala anguba ajanga tawa India sorkari senotsü teyari agüja Korea nung training agitsü asoshi maongka nagu liasü.
Maneni Academy-i Department of Youth Resources & Sports aser Nagaland Archery Association puri training aser asayamong mapang academy senotsü teyari agüja nungita yariba atema pelaba metetdaktsü.