ARCKA FC, Crony Boys, Tiema-Khe &  Addax Club nungeri takok angu

NSF Martyr’s Memorial trophy anogo tanabuba nung Tiema-Khe Kidima aser Galacticos FC telok na tsüngda Kohima Local Ground nung toktepa asayaba noksa nung angur. (Kohima, September 26)

Kohima, September 26 (TYO): Tang Kohima nung tasayadak 17 buba NSF Martyrs’ Memorial Football Tournament anogo tanabuba nung ARCKA Football Club, Crony Boys, Tiema-Khe, Kidima aser Addax Club nunger densemba teloktemi takok ngua tanü, Hombar nü asayaogo.

Tanü mezüngbuba asaya nung ARCKA teloki goal 6-0 agi Boisterous Boys telok madak takok angu.

Imnayapang-i asaya tenzüker minute 16 aser 41 buba na nung goal 2 agütsüba densema, Azo-i minute 47 aser 70 buba na nung goal 2 aser Pumang o Imsutemjen nati minute 57 aser 64 buba nung goal kaka agüja, par ARCKA telok nem takok ngudaktsü.

Crony telokia goal 2-1 agi New Market XI telok tanabuba asaya nung tsükdaktsü.

Tan agi asayamong 14 buba nung atonga shilem agir, New Market telok asayar, Akhrielie Yiese-i asaya tenzüker minute 17 buba nung goal 1 agüja par telok temaba jenjang nung ajungkettsü.

Ajisüaka, Menguse Sale-i minute 33 aser 54 buba na nung goal 2 tashi agütsüba yong par Crony teloki asayaji kokadok.

Tanü tasembuba asaya nung Kidima teloki goal 2-0 agi Galacticos telok madak takok ngua liasü.

Shürhosül Pucho aser Kevisekho Thokwe nati tanü minute 8 aser 69 buba nung par Kidima telok asoshi takokba goal anaji agütsü.

Tanü tatembangba asaya nung Addax telokia goal 3-1 agi Bapist High telok madak takok ngua asaya.

Lavori, Punuru Nienu aser Keviphretuo Kire nungeri minute 39, 46 aser 68 buba nung goal kaka agüja par Addax telok nem takok ngudaktsü .

Ashebo-ia minute 65 buba nung goal 1 agüja, par High telok jenjang tajungba kümdaktsü saka par teloki tanüngba asaya mapang nung goal ka danga magütsütetba yong par High teloki tamakok ajurua liasü.

SEPTEMBER 27 NÜ ASAYA YAMAI ALITSÜ:

1.   Veracious FC Zapami vs Blaze Boys FC Jotsoma @9:30am
2.   Gariphema VYO vs Froster’s FC @11am
3.   Nagaland Police (Red) vs Wiggle FC @12:30pm
4.             MT Youth Club vs Chedema FC @ 2pm.