Argentina: Football asayar kati referee ka kaset

Buenos Aires, February 16 (Agencies): Argentina kübok Córdoba yimti nung Argentina nunger football asayar kati prangpong injang agi referee ka yashi, Hombar nü kasetba osang ka police-i metetdaktsüogo.
Yashi asaya tenzüker minute 20 shi nung red card temerenshi agüja asayadak nungi temaleni tugudaktsüba sülen asayarsangi pa yangko nungi prangpong ka agiteter referee-sang, arishi küm 48 tain Cesar Flores tekolak, tekong aser teko nunger nung injang 3 tashi kalokja Flores-ji kaseta yutsür jena ao ta police-i osang jangjashitsü.
Asayar tanga ka, Walter Zarate daka teko nung injang agi kashi saka pa takümbo lendong nungi kümzükba osang jangjaogo.
“Referee den kechi mangatettep ken o adok iba osang tang tashi mejangteti lir aser tan amaksangji aputsü bushisüngdanga tenzüka lir,” ta police-isa metetdaktsüogo.

You must be logged in to post a comment Login