Aria bilemba counselor

“Saka nenok oang aser ya kechi tetezü-ar, angazükang, ni tenIa masü, taochi aginür” 

(Mathi 9: 13)

1. Ne tebilemtsü taroktiba lemsateptsü asoshi nai kechi koma nübu ka aginür ?
2. Nai iba ama nübu akümtsü mulungtsü asü? Khristan counsellor asoshi taginübaji shiba den tangari tesüiba aser tang aliba tebilemtsütem temulung doka lemsatetter iba jakla adenba Khristan Counsellor atema College degree menüngdaker. Aji saka shirnoki counseling mapa inyaker, parnok Laishiba nung amendaker agütsüba training agiba jagi tulu ka yaritsü. Na kong lidir liang, aria bilemba shisatsü ne dak lira Tsüngremi na tangar yariba nung amshitsü.

Nai nisung ka pa otsü ajungaji memetetra pa/laji nai meyaritettsü. Nisungtemi asenoki parnok asoshi kodaka aria bilemtsü aji memetetra, asenoki kodaka metet parnoki au ta malitsü. Aria bilembaji yaritsü asoshi tasa kar angazükba masü; ibaji Khristan jakla aser temeim lir.  Counsellingji tesüiba tebilemtsütem bentetba ajanga tang aliba tebilemtsütem nung yaritsü lenmang bushiba lir.

Temulungjang Satan talidak yangludaktsüba ajanga tebilemtsü adoker. Nisung nüji masüba ajanga aintsü makoker. Counselling nükjidongji Khristantem nem Khrista nung nüji akümba metetdaktsütsü aser pa den jajaa tejang atangba taküm ka kümdaktsütsü asoshi lir.

Kibuba, aria bilemba shisatsü kü dak renlokdakjang, idangji ni tangar yaritettsü.