Ariana Grande-i ‘Grammy Awards’ nung ken atentsü

Aenjeti/January 12, 2020 (Agencies): 62buba Grammy Awards sentong nung kentener Ariana Grande-i ken tena shilem agitsü ternemba lir. Iba sentong ya Staples Center, Los Angeles nung January 26, 2020 nü agitsü.
Taoba küm iba sentong agitsü aliba jakdang, producer temi Ariana tasa aser tebilemba magizüktsü merangba ajanga sabang nung lai shilem magitsü ta mangatetep adokba sülen, taküm iba sentong nung ‘7 Rings’ kena atenla Ariana-i shilem agiba angutsü.
Twitter ajanga Ariana-i, ” @cbs @recordingacad Jan 26 #GRAMMYs sentong nung ajurutepdi,” ta lemsatep.
Taküm Grammy sentong nung ‘thank u, next’ atema Album Of The Year, Best Pop Vocal Album, Record Of The Year aser ‘7 Rings’ atema Best Pop Solo Performance aser Social House den külemi atenba ‘Boyfriend’ atema Best Pop Duo/Group Performance atema Ariana-i nomination pungu nguogo.