Arishi küm 106 tain Aida Gemanque, Olympic milenpong amer tantsütila kümogo

Rio De Janeiro, June 19 (Agencies) : Küm asem tejakdang skydiver rongnung tantsütila akümba sülen ano Honibarnü Amazonian city, Macapa nungi Olympic milenpong amer rongnung tantsütilaji Aida Gemanque-sa kümogo. La tang arishi küm 106 lir.
Tesüba mapang arishi küm 101 tain Alexander Kaptarenko-i Sochi 2014 Winter Olympics relay milen ama liasü, saka iba otsüji Gemanque-i tan ajatetogo, ta Xinhua news agency osang ajanga metetdaktsü.
“Ni kangasa pelar. Ni kü taküm nung ibai meinyakdangtsü amai bilema liasü anungji iba tepela ngutetba asoshi ni pelatsü nüngdak. Nü kü sasa nema tangteter,” ta Gemanque-i ashi.
Anogo 95 milenpong melentepba amer asemba sentong ya Brazil yimti 325 tashi nung alungtsü aser iba mapang nisung 12,000-i shilem agia Maracana Stadium, Rio nung August 5, 2016 nü tembanga Olympic mipu nung senoktsütsü.