Arishi küm 40 junger külen kibong akümtsü meimla: Cameron Diaz

Los Angeles, May 19, 2016: Bollywood actress, Cameron Diaz-i, “Arishi küm 40 junger külen kibong akümtsü ta ni kodanga meimlai liasü,” ta ashi.
Arishi küm 43 tain, “Other Woman” film nung shilem agila, Cameron Diaz ya Benji Madden den kibong aküm aser lai, tang ama tain kümer kibong akümba ya tebangkatsüka lir, ta ashiba US magazine osang ajanga ashi.
“Ni yaküm kibong aküm. Ni arishi küm 40 mapang teinyaktetba tulutibaji kibong akümba ya lir. Ni kibong akümtsüba ya bilema maliasü aser ni kü kinungbo ya majuru ka asübo shibai metet kibong mekümi lila. Ya kanga ajungbena atalok,” ta Diaz-i ashi.
La kibong maküm tsüngda Justin Timberlake, Jared Leto aser Alex Rodriguez nunger dena medema liasü.
Arishi küm 40 mapang kibong akümba dang masü saka temang nung temelenshi adokba ngua la kanga aoksar.
“Temang nung temelenshi tilala aika adoker. Joko tesüiba mapatem ama masü,” ta lai ashi.
“Tang mapang yabo joko kanga nendaka inyaktsüsa adoker,” ta laisa ashi.