Arishi küm 47 tain Kalikho Pul

Arishi küm 47 tain Kalikho Pul,  Arunachal Pradesh nung Chief Minister taküm ita ishia inyaka arur August 9, 2016 nü alima nungi pila-a ogo.
Pai Hayuliang Vidhan Sabha constituency nungi Indian National Congress party nung pungoben tashi takok ngua liasü.
Congress züngsem ishika den Bharatiya Janata Party den lokteper Pul Chief Minister mendeni atu. Aji oda süaka Supreme Court nung Pul Chief Minister mendeni atubaji  memelungi ken o benoka liasü.
August 9, 2016 nü Pul telidak sorkar kidang pa mejangba takdang nung lisü agi alenseta asü. Pul asüba ajanga pa pukümertemi jashi marem Central Bureau of Investigation (CBI)-i bushisüngdangtsüla ta takhangba agüja longkak ait.
1969 küm July 20 nü Anjaw district kübok Walla yimtak Pul aso aser pa ya Kaman Mishmi kin nungi lir.
Pul arishi küm ka ser ita ka alidang tetsü Wt. Koranlu süadok aser ano küm pungo sülen tebu Wb. Tailum-a süadok. Iba sülen Pul tetsü tantsür’er kidang yaritepa tatsüka süng bendena lar kidang semloka lia aru.
Pul küm 10 asüdang school toktsü aser süng mistri mapa inyaka (Carpentry) Hawai Craft Centre nung anogo shia senpak Rs. 1.50p taa agia mapa inyaka aru.
Pul Night School nung azüngtsü tenzük. Iba mapang Pul-i school sentong ka tayongzükba o jembi aser Hindi nüngtugo ken ka aten aser iba sentong nungji education minister Khapriso Krong aser Lohit Deputy Commissioner D S Negi nungertema densema liasü.
Iba sentong nung Pul sempet reprangteta Deputy Commissioner Negi-i Pul ji anüngdang aoba school nung züngdangtsütsü maongka agüja züngdaktsü.
Tesülen pa Hawai, Circle Office nung Watchman mapa inyak aser ita nung sen Rs. 212/- agüja liasü. Iba sülen Pul-i Paan Dokan ka lapok, iba denji aou chara agi ki yanglua aayanga yimtak lia aru.
(Maneni taruba adok nung…)