Arishi küm 50 jungerbo asen temang dak temulung malemer:Salma Hayek

Los Angeles, June 24, 2016 : Actress Salma Hayek ya taküm arishi küm 50 ajungtsü aser lai, “Joko temang dak kanga temulung alemtsü mali,” ta ashi.
September ita nung arishi küm 50 ajungtsü alila Hayek-i, “Nisungtemi pei kechi ibaji atema pelatsüla aser pei taküm atema benjungtsüla,” ta ashiba people.com osang ajanga metetdaktsü.
“Ni joko arishi küm 50 nung ajemoker aser kü temang dak kü sasa ni temulung melemteti akümer. Mapang ka asenok kanga wangshir ajisüaka iba mapang süirbo joko ojang,” ta lai ashi.
Hayek aser kinungbo Francois-Henri Pinault na arishi küm 8 jala ka agi sosema lir.
“Asen teti junga alitsü atema tezü metangi pei sasa meranga inyaktsü nüngdak. Nibo kanga azümesen aser ni yamaji meinyakteter. Anungji na tang kechi jenjang nung lir ibaji atema aser nü taküm atema benjungang,” ta Hayek-i ashi.