New Delhi, July 05 (Agencies) : Rajasthan nunger Bharatiya Janata Party nungi MLA, Arjun Ram Meghwal Mongulbarnü Union Minister atema tenangzükba agitsü atema Raisina Hill nungi Rashtrapati Bhavan tashi cycle nung ao.
Meghwal ya tesüiba mapang IAS officer ka liasü aser pa parliament-i aodang teti cycle nungsa aoer.
Anungji Mongulbarnü Narendra Modi’er Union Council of Ministers nung züngsem akümtsü aodanga pai kecha marendaki cycle nung ao.
Meghwal cycle nung aoba mapang pa sapur aser meimer kar den BJP nung züngsem kar anidaka ao aser minister akümtsü aosang nem security agütsütsü atema security tem pa menepa kanga meranga asemtepa liasü.
Meghwal-i Rashtrapati Bhavan tashi cycle nung aoba video ka tang microblogging site, twitter nung kanga sapua longtepdar
Delhi sorkari April 20, 2016 nü traffic scheme tenzükba mapang arishi küm 63 tain, Meghwal-i Aam Aadmi teloki aniba sorkar aija liasü aser iba indangji angatetdaktsütsü atema pai Parliament tashi cycle nungsa ao.
Bikaner nungi Lok Sabha züngsem, Meghwal ya Minister of State menden atema tanü Mongulbarnü tenangzükba agiogo.
You must be logged in to post a comment Login