Arjuna Award atema Rohit & Sreejesh na tenüng benoker

New Delhi, August 11 (Agencies): Cricket batsman mongin, Rohit Sharma aser tongti hockey goalkeeper, PR Sreejesh na tenüng 2014-15 Arjuna Award agütsütsü asoshi sports ministry-i tanü Mongolbar nü benokogo.
Yaküm Sri Lanka den One Day International (ODI) asayadang runs 264 tashi yanglua asaya ka nung ODI runs timba yanglur asayar küma otsü yanglusang, Rohit-i ODI century 7 aser ODI double century 2 tashi yanglua lir.
Sreejesh-ia international asaya aika nung goal magütsüdaktsüi India hockey nem takokba bener aruja lir.
Arjuna kürakyanglu, ozülu aser senpet sen 500,000 densemba Arjuna Award agütsütsü asoshi Rohit aser Sreejesh na den külemi, asayar tenüng 15 tashi sports ministry-i tanü tashi nung benoka lir.