Armed Forces Day nung PM-i sepaitem nem akhüm agütsü

New Delhi, December 07 (Agencies): Armed Forces Flag Day anogomong nung Ato kilonser, Narendra Modi aser Tir, Ram Nath Kovind na densema minister tem aikati linük arrtsü nung taküm tenla agüja asür sepaitem nem akhüm agütsü.
Iba anogomong nung Tir, Ram Nath Kovind-i Delhi nung aliba Kendriya Sainik Board ketdangsertem ajurua liasü.
India Tir, Ram Nath Kovind-i Raj Bhavan nung Kendriya Sainik Board ketdangsertem ajuru.
Iba anogomong nung Union Defence minister, Nirmala Sitharaman-i nüburtem dang ex-servicemen aser parnok kibongtem atema Armed Forces fund asoshi tenla agütsütsü ajungshia liasü.
Union Home minister Rajnath Singh-ia sensotem dang Kendriya Sainik Board Secretariat indang website ajanga Armed Forces fund atema tenla agütsütsü mepishia metetdaktsü.
Minister of railways, Piyush Goya aser Minister of finance Arun Jaitley natia linük atema taküm tenla agüja asür sepaitem nem akhüm agütsü.
1949 küm nungi tenzüka linüki kümshia December 7 nü Armed Forces Flag Day monga asür sepaitem nem akhüm agüja arur.
Kümshia December 7 nü nüburtem dang temang shilem lemtar alir sepaitem, pension magirtem, ESM, parnok kibongtem, rara mapang asür sepai kinüngtsü amitsürtem aser lajartem atema tenla agütstsü ajungshir.