Arms Act ken o nung court-i March 10 nü Salman Khan jaoker

New Delhi, March 03 (Agencies): Arms Act ken o nung CJM Court-i March 10 nü Bollywood actor Salman Khan okadaki jaokogo.

Küm 18 tejaklen Jodhpur anasa mesü tapu ka ‘Blackbuck’ akah ta tai tonglokja Salman anema Arms Act kübok ken o benoka lir.

1998 küm Sooraj Barjatya indang ‘Hum Saath-Saath Hain’ film tangokba mapang Salman aser pa den külemi shilem agirtem iba tesem nungji film tangoka liasü.

Yaküm Salman-i Jodhpur court dang iba ken o nung pai kuliser pezü agütsütsü ta mepishiba court-i agizüka liasü.

Arms Act kübok 1998 küm October 15 nü forest department-i Salman anema ken o ka benoka liasü, iba ken o nungji October 1 aonung aser October 2 anepdang Jodhpur anasa Kankani yimtsüng nung ‘Blackbuck’ ana akahdang pai amshiba prangpong licence ji expire ser liasü, ibayongji item prangpongji ozüng alema amshi ta ken o benok.

Iba ken o nungji ajemdaker Luni Police-ia Arms Act kübok Salman anema ken o benok.