Arms Act ken-o nung January 18 nü Salman nem obendang agütsütsü

Jodhpur, January 09 (Agencies): Arms Act ozüng kübok Salman Khan anema benoka aliba ken-o January 18 nung obendang agütsütsü lemtetogo. Court nung telok anaprong indang o angadangba tanü tembanga liasü.
Iba obendang agütsüba anogo nung Salman court nung arua alitsü asoshi tetuyuba, Magistrate Dalpat Singh Rajpurohit-i agütsüogo. 1998 küm October ita Kankani yimtsüng nung Salman Khan-i shitsü mesükba ‘black bucks’ ana kahset, aser iba mapang pai licence expire sür aliba prangpong bena aliba agi akaba ajanga police -i pa anema ken-o benoka liasü.
Iba ken-o ya forest department ajanga benok aser iba ken-o nung Salman Khan aitsüra, pa tepuokdak küm tenet tashi ayutsüsa akümtsü.