Army amakba atema ULFA(I)-i tenüng agir

Guwahati, November 20 (TYO): Honibarnü Assam kübok Tinsukia district nung Army convoy ka amakbaji United Liberation Front of Assam (Independent)-i inyak, ta tanü parnoki sangdong ka nung metetdaktsü.
Burhi Dihing, Tinsukia nung amenoka aliba 15 Kumaon Regiment amak aser iba mapang jawan pezü kanga mejungi yirutsü, ta ULFA(I) sangdong nung shia lir.
Iba mapa ya ULFA(I) aser Coordination Committee (CorCom) longjemer inyak. CorCom nung People’s Revolutionary Party of Kangleipak, People’s Revolutionary Party of Kangleipak (Progressive), Revolutionary People’s Front aser United National Liberation Front dena lir, ta sangdong nungsa metetdaktsü.
Ano külen, Tinsukia district Superintendent of Police, Mugdhajyoti Dev Mahanta-i, NSCN(K) aser ULFA(I) telok yaritepa army telok amak aser iba mapang nung telungpurtemi Rocket Propelled Grenade (RPG), AK-47 rifles aser mortars amshi, ta metetdaktsü.