Army amaker NSCN(IM) züngsem ka apu

Guwahati, November 07 (Agencies): Brihostibar nü NIA-i Arunachal Pradesh, Khonsa tesem nung National Socialist Council of Nagaland (IM) telungpur ka puogo.
NIA-i ashiba agi, telungpursangji Singmayo Kapai (Kapai) lir ta jangjaogo, aser April 2 nü Khonsa anasa Tupi Village nung sepaitem amakdang army asem tepsetba aser asem yirutsüba nung pa densema lir. Army convoy ji Arunachal, Tinsukia nungi gari pezü nung aoba mapang telungpurtemi amak. Iba mapangji ketdangser aika leave agir sodi aoerba liasü.
Bushisüngdangba ajanga, Arunachal Pradesh nung par züngsemtem sepaitemi tepsetba aser apuba mang ayangtsü atema telungpuri armytem amak ta bushitetogo. Parnoki convoy ji poksatsütsü asameyang, ajisüaka tia kaa parnoki lenmang telung nung rema toktsüba bomb tesashiji mapok aser telungpurtemi injang akah.
NIA osang ajanga ashiba agi, “Mezüngbo amakbaji NSCN(SS) teloki asütsü ta temulung melemi liasü, saka tesülen iba amakbaji NSCN(IM) teloki lir ta metet.”
Iba amakba asameyanger tongtiji NSCN (IM) ‘Sergeant Major’, Ayo Tangkhul asütsü ta parnoki bilemer, ta Army ketdangsertemi ashi.