Army Cycle Expedition ka Tizu nungi tenzükogo

Kohima, Aenjeti/January 5 (TYO): Arunachal Pradesh arrtsülen aliba nüburtem aika linük nung tanga tesemden tesendaktep tajung maliba ajanga Armed Force tem nung adentsü asoshi maongka alibatem memetet, ajungi item osangtem metetdaktsütsü aser lanurtem mulung nung tejangraba ka adokdaktsütsü nükjidong nung Dao Division, Lekhapani Battalion puri cycle expedition ka ayongzükogo, koba Tizu nung January 5 nü tenzüktsüogo.
Iba Expedition Team nung sepai 10 dena lir shirnoki Salangam, Hayuliang, Changwinti aser Walong adena Kibithu tonga aotsü. Parnoki iba mapang nung lenmang km 450 ayimjema senzütsü.
Kasa telok yagi local lanurtem den sensak asemtsü aser India Army nung maongka alibatem indang lemsateptsü. Parnokisa item maongkatem indang tali tejangjaba metetdaktsütsü asoshi pamphlets tem kinü nung aliba lanurtem nem lema agütsütsü. Iba sentong ya January 13, 2019 nü tembangtsü renema lir, ta PRO (Defence), Col C Konwer-i sangdong ka ajanga metetdaktsü.