Army-i Airborne Exercise tulutiba agiogo

Kohima, Aenjeti/January 17, 2020 (TYO): North Eastern Theatre nung January 10, 2020 nü Indian Army-i Airborne Exercise sentong tulutiba achaayanga agiogo. Iba Exercise nüngja ‘Winged Raider’ nung ajemdaker agi, koba ajanga exercise nükjidong sayur, ta PRO (Defence) sangdong ka ajanga Lt Col Sumit K Sharma-i metetdakja liasü.
Iba exercise sentong January 06, 2020 nungi tenzüka liasü, kong Indian Air Force indang hadir/osettsüset belenba tayimtsü aser special forces inyakyim densema raraba mapang renemshiba aser maparen balala sayua liasü.
Airborne Exercise sentong anüngdang aser aonung agiba mapang, Special Forces sepai 500 dang nungi timbai C 130 Hercules, C 17 Globemaster aser Dhruv helicopters nungi parachute ajanga pongzük.