Army-i asür Abonmei den asüpila sentong agi

Kohima, Aami/June 16, 2020 (TYO): Hombarnü, Manipur indang Anüolen Imphal district kübok Leimakhong tesem nung Indian Army-i asür. Sepoy Lungambui Abonmei nem aküm tapet agüja pa den tatembang asüpila sentong agi liasü, ta PRO (Defence) sangdong ka ajanga Lt Col Sumit K Sharma-i metetdaktsü.
June 13, 2020 nü Jammu & Kashmir kübok Poonch Sector LOC nung duty nokdakba mapang Abonmei-i linük asoshi taküm bendanga agütsü.
Sepoy Lungambui Abonmei mang ya tayimtsü ajanga Delhi nungi Imphal tonga bener aru. Pa mang Leimakhong tesemi bener maodang, Tulihal Airport nung sepaitemi pa süngden nung naro inoktsü aser aküm agütsüba sentong agia liasü.
Hombar nikongdang 5:40 meta Army nungi local military commander temi asür Abonmei den asüpila setong tatembang agia liasü. Iba mapang, asür kinungertem, medemertem aser Leimakhong nungi taoba mapang Army nung tenzüker tem matsüngdang commander-i India indang Wako ka asür. Sepoy Lungambui Abonmei kinungtsü Elizabeth nem agütsü, ta kasa sangdong ajanga metetdaktsü.