Army-i Karbi Anglong anüdoklen kiralongrar samatsütsü mita aoer

Guwahati, March 2 (Agencies) : Osang kar angashiba sülen Karbi Anglong anüdoklen district nung Army temi kiralongrartem aridoktsü asoshi mita aoba maparen tenzük, ta Defence otongdar-i ashi.
Kuki Liberation Front (KLF) telungpuri tesem nung aliba nüburtem aser administration amokmerenba osang tejangja angashia Gajraj Corps nungi Red Horns Division-i iba tesem nung kanga sashia mitaogo, ta pai ashi.
Pai, iba mita aoba ya linük anemertem aser EKA District nung aliba arem nungi ozüng alema sen sarurtem aridoktsü asoshi tenzükba lir, ta ashi.
Iba mita aoba mapa kanga takok ngua kiralongrartem tesem nungi aridoktetogo aser ibaji ajanga tesem nung aliba nüburtem temulung ali aluogo, ta paisa ashi.