Army-i kiralongrar tebilemba amajok kümdaktsü

Jammu, July 16 (Agencies) : Honibarnü Jammu & Kashmir kübok Poonch district nung kiralongrartemi Line of Control (LoC) alema aitsü tasa asaba army-i raksaja telungpur parnok asem kahset, ta ketdangsertemi ashi.
“Honibarnü Poonch district kübok Saujiyan tesem nung LoC mita atartemi kiralongrartem tebilemba lazük. Raradang amshiba hadir tesashi tapu teperi bena aliba kiralongrartem army temi ajungmeso aser indangji telungpur jagi injang kahloktsü. Ibaji ajanga telok ana tsüngda injang agi kahteptsüsa aküm,” ta army-i IANS dang ashi.
“Kahtepdang kiralongrar asem kahsetogo aser ano maneni iba tesem nung mita bushisüngdangdar,” ta kasa osang ajanga ashi.