Army-i MLA Tirong Aboh tepsetertem aputsü bushir

Dimapur, May 22 (TYO): May 21, 2019 nü Tirap district nung Tirong Aboh (MLA NPP) den nisung 10 tepsetertem aputsü atema Indian Army-i Tirap, Longding aser Changlang district tem mapa inyakdar, ta PRO (Defence) Col C Konwer-i ashi.
Army-i telungpurtem jena aotsüba lenmangtem ajak noktanga lir aser Nagaland-Arunachal arrtsü mita anüker. Maneni, Nagaland kübok Arunachal den anasa aliba district tem nunga area domination teams aser mobile check posts lapokogo, ta paisa ashi.
Iba mapa inyakertem maitsü jangjatsü atema Army-i police, civil administration aser intelligence agencies den külemi mapa inyakdar. Indian Army-i iba mapa inyakertem ajak menepa aputsü aser temeten agütsütsü ta Col C Konwer-isa metetdaktsü.