Army-i Tinsukia nung NSCN (IM) telungpur ana apu

Kohima, Aami/June 16, 2020 (TYO): Deobarnü, Indian Army aser Assam Police longjemer Tinsukia, Assam kübok Ledo anasa tesem ka mita aoba mapang NSCN (IM) telungpur ana apu, ta PRO (Defence) sangdong ka ajanga Lt Col Sumit K Sharma-i metetdaktsü.
Pua alir telungpur ana ya Lt Col Rampong Hakhun @ Johny aser Sgt Kochung Sangkey ta jangjaogo.
Upper Assam len telungpur ana ya tashiyim amshia nübur nem timtem agütsüba aser rakzükraktemba maparen nung densema lir ama temulung melemi bilemer, ta sangdong nung shia lir.
Team-i tena ket nungi 9mm Pistol ka, Point 22 Pistol ka, injang 10 aser sen 10000/- ngutet.
Army aser police longjemer iba tesem nungi telungpur ana apuba ajanga lisopurtem nem teimla ka agütsür aser iba maparen ajanga telok inyakyim nung takoksa tulu adokdaktsüogo. Iba maparen dak sendakba nung maneni bushisüngdangtsü atema pua alir telungpur anaprongla ya Ledo Police Station nung agütsüogo, ta kasa sangdong ajanga metetdaktsü.