Army ketdangseri Arunachal CM den ajurutep

Itanagar, December 13 (Agencies) : Hombarnü Tezpur nung amenoka aliba 4 Corps, Indian Army nung General Officer Commanding (GOC), Lieutenant General Amarjeet Singh Bedi-i Arunachal Pradesh Chief Minister Pema Khandu den pa indang office nung ajurutep.
Taoba ita tu Bedi-i Lieutenant General Devraj Anbu melenzüka liasü aser yashi pai Pema Khandu dang par state sorkari Indian Army den yaritepa atema pelaba metetdaktsü.
Arunachal Pradesh nung Army-public tesentaktep tajung aliba aser talisa ibaji Tawang aser West Kameng district nung aliba atema Bedi-i pelaba shisem.
Iba mapang Khandu-ia ‘Operation Samaritan’ kübok state sorkari Army den nübortem asoshi inyakba mapa nung nungita yariteptsü ta nangzük.
Army-i India-China arrtsü anasa aliba tesemtem nung ‘Maitri Divas’ ayongzüka agiba atema Khandu-i tenüngsang agütsü aser iba ya ajanga linük ana tsüngda tesentaktep tashi itshitsü aser iba sentong nung sorkari yariteptsü ta paisa shisem.
Army nung Arunachal lanurtem kanga ajema aliba atema Khandu-i Army ketdangsertem dang training aser coaching programmes agitsü atema asüngdang.
Paisa, Itanagar nung taküm bendanga agütsüba Arunachal sepaitem nem tetushi agüja war memorial ka yanglutsü onük lemsatep.