Army nung adentsü atema tanurtem nem counseling agutsü

Kohima, Aenjeti 31 (TYO): Headquarters 3 Corps leniba kübok Indian army nung officers aser sepai ama adentsü atema motivational carrier counseling lecture ka katsüogo, ta tanü Col C Konwer PRO (Defence) sangdong ajanga metetdaktsü.
School asem- ‘St Joseph Hr Sec School’, ‘North Town Higher Secondary School’ aser ‘Hebron Higher Secondary School’ Dimapur tem nung Director management, Wt. Amongla ajanga carrier counseling lecture ya ayongzük aser iba sentong nung Director Recruiting, Army Recruiting Office Rangapahar, Col MK Singh-i Aenjeti 30 aser 31 anogotem nung item school nung jembia liasü.
Pai Indian Army nung officers asoshi mapa balala, tajangzüktem aser maongka balala metetdaktsü, aser iba atemaji tezüluba tatidang, physical aser medical tendangba nung temsüa alitsüla, ta metetdaktsü.
Iba sentong nung tesayur tem densema class 10, 11 aser class 12 nung azünger tetsür-tebur parnok ajak agi nisung 982 aden.
Iba sentong katsüba atema school asemprong nungi principal temi Rangapahar nungi ketdangsertemi iba akhümket mapa indang tanurtem nem rajemdaktsüba atema pelaba lemsatepa liasü.