“Army-pattern” süoshitem magitsü tetuyuba agütsür

Chandigarh, January 8 (Agencies) : Hokolbarnü Indian Army-i civilian tem dang “army-pattern” süoshitem magitsü aser dokan kiburtem item süoshitem mashii mayoktsü atema tetuyuba ka agütsüogo.
Kiralongrar troki Pathankot nung aliba Air Force station ka amakba sülen hopta ka shi lir Army-i linük nung iba tetuyuba agütsü.
Civilian-i dang masü saka private security agencies, police aser tanga central forces-ia “Combat-Pattern” süoshitem magitsü atema tetuyuba agütsür, ta tanü Chandigarh nung Army otongdar kati metetdaktsü.
“Army uniform ayoktsü shishilembar aser dokan kiburtemi army ketdangsertem dang nungi temelaba meshitsüla. Temelaba maliba nisungtem dang army uniform ayoktsü memelar. Item tetuyuba ya public-i meteta alitsü aser kiralongraba mapa noktangtsü nükjidong nung metetdaktsür” ta otongdar-isa shisem.
Anosa, armed forces personnel aser ex-servicemen kinungertemia uniform masemtsüla kechiyong ibaji ajanga timtem bener arutsü akok, ta Army otongdarisa ashi.